她似衛蘭嗎？


上周四伴隨俠仔*往老銅工作影模特，叫阿grace。俠仔在網上抓grace時，柔拔第一眼望過去已經覺得佢好鬼似黎明睇中既衛氏姊妹。見到真人時又唔多似，但拍照出來的效果又開始似番…印象中柔拔身邊只有小華子**親口講過勁愛衛蘭，小華子你點睇？

梅姐老早教曉我，女孩子是百變的。

柔拔自問觀人於微，這個剛拿了成人身分証，等緊Jupas放榜的卜卜脆衛蘭，仍很天真瀾漫，入世未深，而且勁聽話，同d大牌model真係唔同。佢仲係細，俠仔話佢有baby fat，不過張face都幾fresh, 應該幾ARM DC組同事U記#及前同事迷仔用##

影完我地輯相之後，聽到阿grace蹦蹦跳大叫翌日接左忽周既job。忽周…咪係整濕李蘊果間既同一集團…下！！！

想睇俠仔影既卜卜脆衛蘭，記得今個禮拜三買《e-zone #466》, hohoho！

後記：拍照當天，柔拔覺得阿grace彷彿在刻意地扮珠光寶氣既黎姿添~第一幀相無錯係老笠網相，第二幀係柔拔襯俠仔同其他人訪問出緊煙果陣，偷偷搬左阿grace埋一邊影的。俠仔曰：「呢D咪好兄弟囉！」（估計對白）


-----------------------------------------

*俠仔是柔拔的鄰座同事，大概是近期最清楚柔拔諗緊乜的人。
**小華子是柔拔的鄰組同事，是柔拔羨煞的報刊記者。
# 以公司座位而言，U記根本上就係柔拔背後的女人。記住，唔係柔拔躲在U背後，係U在柔拔背後，我唔要做「廣播慶」！
##迷仔簡直係我愛人！如果我係女人，一定嫁佢！