粉碎壞人男


兩周前，在柔拔課堂上，發生了一件不幸的事情。

柔拔安排全班學員打淘汰賽，每輪輸左既都要同我對打，如此類推，直至最後champion就同我打決勝戰，即最終係每個學員都要同我free fight.

後來到了佢地既二強，是藍帶VS白帶，然後白帶負。

但我見個白帶竟然可以打到入二強，而且是男的（藍帶是女的），因此柔拔好興奮，就同佢free fight.

下課後，該學員痛楚地按住左肩，同我講：「好痛…好似碎左…」

柔拔即場診斷，見佢可以抬起90度，又沒有表面傷痕等，著他盡快回家休息，有事要看醫生…


翌日我同小雲睇完盈盈樂樂個竇（遲左入場，見唔到真「貓」，職員話佢地收左工返房目訓），送埋小雲回家，一個人返歸途中，師父來電：

「你有位學員琴日上完堂，左肩碎裂左，入左急症室。」

那一刻我站在夜蘭人靜的大街，無言…當然我有立即致電慰問。

此事差點要我惹上官非，幸學員父母冷靜了後，終不再追究，退還學費了事（師父可能最傷，因為是他收學費…但我真係唔想…）。


內疚…那幾天真的很內疚。後來我才記起，學員曾告訴我，他只是第3堂，是白帶，未試過free fight, 咩都未識，為人謙虛，年僅十餘，像個幼齒，沒有得罪過我，並非壞人男，點解柔拔要咁樣對佢…


但話說回來，如果當日真係惹上官非，honestly, 我覺得自己真係好無辜…幸好學員父母明白事理，這又反而叫我個心唔舒服…說不清的遺憾…

希望學員盡快康復。