Sunday, January 06, 2008



新聞主播‧鄭燕婷~
(錯哂!原來係叫鄭詩亭…今回真係神魂顛倒…thanks my friend)

Happy New Year 2008!!!

今年既中國香港同胞應該特別振奮!因為北京奧運終於近左咫尺,地波高清廣播亦已在07年12月31日晚上啟播。不過生活秩序亂七八糟既柔拔,到今天都仲未諗08 wishes…在心中啦,三八話齋,「講左唔靈」嘛!

多得威士忌主動幫柔拔報名,令我可以在31日參加「數碼電視新紀元」啟播儀式既採訪,與HDzone新人王艾域並肩作戰。柔拔既真心朋友都知道,media worker係我既ultimate career dream,今次也真的大開眼界,見到好多本地主播、高官政要、傳媒高層、DO姐、Eason及Joey等。

大會安排艇仔從中環9號碼頭人口販賣式接載傳媒到尖咀。好多現場行家都話果度(尖咀文化中心平台)食正海風好狠也凍,但當小弟成功穿過兩邊圍欄等睇煙花既人海歡呼聲,昂首站上(擠入)記者區一刻,真係好有成就感。


威士忌,多謝您!另要多謝艾域的同行,以及向氏勤讓出這一席予小弟頂上參加採訪。






大概係世紀香港大事,呢D原屬影音科技範疇既新聞,都引來多個電視傳媒朝拜。企正柔拔左邊既係操幾乎聽唔明正宗國語既CCTV Camman,右邊既係無記台新聞主播新女鄭燕婷。


完全移植男人天性既柔拔,當然老早昅到鄭女,可能我少睇電視,對鄭女好陌生,起初仲以為佢係Model而已。後來見佢怒渣支咪起勢rehersal,個樣又young,就估佢可能主攻年輕人既數碼J2新台主播啦。點知聽佢對準鏡頭講到「係呀詠琴,仲有唔夠30分鐘…」


『郭詠琴』,明哂,回家向母親速查真相,噢,原來係無記新聞新紮女主播鄭燕婷,係個會用卡片機在記者台離遠偷偷地對準EASON影相留念既新聞主播。不過到目前為止您在google search「鄭燕婷」竟然完全沒反應搵唔到佢喎。但睇外型,佢應該好快成為電車男獵物,我再search「鄭燕婷主播」便在forum見到有人target左佢吹了幾嘴。


如果羅若安採訪呢單新聞就好LU,佢係柔拔識於微時既中學同學,都失散左N年…見番都未必認得…



在記者區食風等曾特首埋位既時候,D主播就喪HER(rehersal),柔拔呢D未入流既二打六就怒影夜景…其實香港都係好靚架…



鳳凰衛視女主播(中)。




估計是NOWTV及有線電視女主播,就妮埋位玩2P自拍,唔專業得來又確係CUTIE。另亞視果位係男主播,唔係性別歧視唔影佢,真係影佢唔到,佢太「真圖文」,俾哂女仔企頭位,自己縮埋一邊。





女主播VS馬時亨。NOWTV及有線電視女主播成功口術吸引馬局長埋位吹兩句之初,鄭燕婷仍在專心HER緊,好彩佢個Camman一眼昅七,鏡頭立即45度直角轉身怒Pan馬局長,鄭女亦醒水執生式箭步單咪直入,兼且仲花容得戚問左問題(局長聽唔到佢問),呢D咪柔拔恨左成世既世界級LEVEL囉。





DO姐與Ken Chan,影左呢幅後,Ken Chan怒啤小弟一眼,似係點左我相,可能佢出唔起暗花,柔拔有幸至今仍健在。






右邊中間果位數碼天使竟然同柔拔支鏡有眼神接觸,勁專業,抵妳做到數碼天使呢D歷史性角色!








大概係柔拔當晚著左綠色大衣,馬局長吹左短短幾分鐘speech,竟然都有同我支鏡玩眼神交流!








馬局長可能睇中我支鏡,仲係有眼神交流,曾特首就啋我有味。 不過都要多謝佢,係佢令我竟然上左鏡,仲要係用電視台級數既高清機拍,八料喪快見稱既向氏勤第一時間用手機叫我現場化妝補粉,因為在高清機下小弟既豆豆暴現云云…… -___-''''''








祖兒仲勁,上圖呢D眼神接觸照片,我至少無痛影左佢5-6幀,大概係當時記者區走得6677,益哂小弟,如果我係娛記攝記就無死,返去即紮都唔奇! hohoho~~









柔拔見人太多,記憶開始錯亂,唔敢sure是否第一次見Eason真人。不過佢塊面好滑溜,手感比想像中好好多,難怪U記對佢顛倒神魂。







散band後,柔拔與艾域俾面式坐番政府新聞處安排既艇仔過中環,同船仲有Eason及Joey,以及一眾電視台高層。最爆係竟然俾我見到「笑面虎」陳志雲,我好想走過去向他說《無間道》曾志偉o係差館向黃SIR講既一句:「我睇你幾時X」。






完事後我當然最想見小雲, 同佢行左一陣浪漫中環、食茶餐廳、吹維港海風、睇燈飾、扮夫妻式逛City Super幻想小couple家住山頂、從Central Pier走到皇后像廣場住左一陣、再返雪糕車買軟雪糕食、食完就過番中環碼頭等睇煙花怒炸IFC。

本來想同小雲睇《異獸戰2》再倒數,點知如想像般老早全院滿座。Last but not least, 小雲送左一份我想要好耐既新年禮物俾我,勢估唔到我唔捨得買幾年,最後由佢送俾我,kiss~~~

PS:上圖最後兩幀係小雲影架…佢人仔細粒捧住部巨物D80配長鏡,都算影得幾好有FEEL架哪,嘻。

4 comments:

Wah said...

kiss~~~~~~~~~~~~~~~啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜啜

Wah said...
This comment has been removed by a blog administrator.
瑪姬 said...

你返工都幾多女睇架WOR,仲影埋相,連老遠既妹妹仔望到你支鏡你都知...果然返工返得好專心WOR.....真係令人"羨慕"喇!!!!!!

purina said...

@_@

妳zoom大張相片,見到相片入面既人望住妳,咪知佢當時係望住妳支鏡(頭)囉…

吱吱吱吱吱~~