Monday, February 18, 2008


細V~~

今天,黎瑞恩35歲生日。


黎瑞恩係柔拔第一個也是最愛果個女藝人。與柔拔共同年代成長的朋友,大概都知道佢有花名叫「細V」及「小恩子」。


細V在1991年出道,第一張唱片叫《我從這裡開始》。 曾智明有taste,竟然昅中柔拔idol,而細V也為了下嫁豪門,於2002年舉行第一次也是至今唯一一次紅館個唱了結歌手心願後,毅然退出樂壇懷胎「跟佬走」。先後誕下凱栭及浩儒,去年秋不幸第3胎流產後,據知仍要繼續生…真係…豪門,大家族,直頭華麗一族啦曾老頭!我操!


其實細V在歌手時代稱不上大紅,叫做有首當年凡係女生都應該哼過既〈一人有一個夢想〉(係本地原創歌曲(作曲盧東尼)來架,勁過學友既〈每天愛你多一些〉(改編自〈真夏之果實〉,作曲桑田佳祐)啦!) ,假如當年仍在樂壇磋跎,如今對手會是Joey、Hocc、Twins、千嬅等…老實講跟佬走真係細V走運了!


下嫁豪門有幾「表面風光」,我諗好多女孩子都好清楚,尤其你睇細V個家公係邊位…。而細V多年來在傳媒面前真係做到好幸福的狀態,小歌迷柔拔都算安慰了。


偏愛洋妞的柔拔,諗番轉頭,開始明白點解當年咁情傾細V。佢眼大大、長鬈啡髮、「有肉地」既body,真係有幾分洋妞feel喎。小雲當年就係有把長啡髮,成個blonde咁,而不幸俾我昅中左。後來才知道,小雲既長啡髮竟然係天生…呢D咪天生wild girl難自棄囉(不過而家變番冇咁啡,灰!)~


人大左,好多野都改變哂。現在每當想起細V,柔拔的school age往事就會立即浮現出來。「細V」已經成為了柔拔的年少回憶icon,永遠埋藏在心底裡。


PS:仲記得一班摯友當年為哄柔拔開心,每次唱K點歌都打開細V果頁,達仔有次機緣遇上細V仲特登走去影左佢張菲林相送俾我…my dearest buddies, thanks from my bottom of heart!

1 comment:

Wah said...

再不將從前提, 將痴心撕毀..........