Singapore唯一奧運獎牌持有人：陳浩亮


北京奧運令世界瘋狂！本身嗜體育既柔拔當然都crazy左好多，若不是翻看personal agenda與及有國際在線的幫助， 我已忘掉8月9日是新加坡43周年國慶。

對新加坡的印象不多，首先是李光耀(1923.09.16-)。N年前在校園時代寫論文時，偶然地揀左阿坡做主題，識左耀叔，知道佢俾馬來西亞人迫遷新加坡，惟有自己搞獨立，仲行鞭刑政治，卻又把阿坡搞得有聲有色，耀叔算係柔拔欣賞既偉人之一。

跟住係天氣潮濕雨常在、仲有建築物嚴肅、氣氛局促、坡人操廣東話搞到冇哂外地feel等。依個就係兩年前到當地採訪對阿坡既感覺。最欣賞都係佢夠地方清潔，其他咪搞，長居免問。柔拔無大無細目空一切，入左去肯定早晚被鞭。


如今，柔拔摯友卓心身在當地，幫佢兩個妹適應赴笈生活；老子仲有個坡籍小師妹，而家已u-turn祖家繼續升學。早前返港放暑假的小師妹，係鮮見很認真學習柔道的女孩，亦俾到學習氣氛其他學員，與認真既阿坡文化吻合。

翻查網料，阿坡自1965年立國以來，原來從未於奧運奪牌。而佢在1960年仲係英國攝政既時候，於意大利奧運既舉重項目，由陳浩亮贏得銀牌，陳伯今年已經七十有五了。

好似話今屆阿坡雄心萬仗，希望拎番D牌仔。佢派左共25名選手，競逐田徑、羽毛球、帆船、射擊、游泳和乒乓球共6個項目。

睇下點~~