任何天氣~

全球暖化問題嚴重，近幾年既冬天越推越遲，從大家都在盼望著秋冬來臨，反映冬天距離人類越來越遠~

今早起床，天氣「終於」轉涼，有一些秋意，望出窗口，相信秋意能夠緩和社會戾氣。上yahoo問天氣，眼晴金光閃閃。太陽伯伯開OT，未來數天天氣晴。溫度指數也維持在23度左右，都十一月啦老友，但願溫度指數像早前恆指般，繼續插水，below 20度至係真舒服。

突然想起兩首老歌：

天氣的錯，鄭伊健，1998。Ekin係柔拔90年代深愛的男星，柔拔蜜友都知道我連唱K都在模仿佢。其實是因為當年Ekin情癡形象，加上真係幾酷，幕前形象有情有義，外貌少許似柔拔蜜友許隻神，令柔拔心悅誠服。佢好多歌都係柔拔對小雲既心聲。好可惜，Ekin竟然在1999年轉媾GiGi，仲要業界罕見開記招交代事件，嚴重程度反映Ekin情癡形象影響社會幾深。Ekin變心後，星途插水，柔拔也對佢好失望。睇番MV，首歌是1998年，Ekin未變心，人酷景靚歌好聽，很懷念。

任何天氣，張柏芝，1999。當年既Cecilia又真係幾養眼，不過骨子裡都係「港女出來玩」feel，同洋妞有一大段距離。最唔開心既係，其實呢首歌細V早已唱左，是1997年大碟《認真》的第7首〈自卑〉，第一次聽〈任何天氣〉柔拔已經認到。點解柔拔Dreamgirl細V唱就「籮底橙」，淫照女主角唱就街知巷聞…灰爆！

天氣的錯。鄭伊健


任何天氣。張柏芝

*許隻神：柔拔校園年代的蜜友，雖然長大後少了聯絡，他仍是其中一個永遠在心中的男。