王傑~

這幾天聽家人講，好似話王傑接受邀請，上左《志雲飯局》。重申，柔拔對《志》呢類高壓飯局節目，係抱住免費又有時間就睇，要收費就唔能駛預我果種態度。

想回憶既，係王傑…

提起王傑，柔拔永遠都有種遺憾同埋可惜。想當年吾應該仲係讀緊小學，聽到王傑首〈可能〉，深深注意著他。因為佢走浪子路線，d歌夠哂悲情，完全把幾條天王比下去，arm哂當年處於乳臭未乾憤世嫉俗年紀既柔之拔口味。當年都唔知小雲在世界哪個角落，未識她，但就常常在家怒唱王傑d歌，我記得個原因超正，就係不滿d同學仔住大屋有車接送，自己卻出身於中下階層，〈可能〉有句歌詞係「……可能，她一心要試驗我…」柔拔次次都對住蒼天聲嘶力竭唱呢句，因為根本未懂了解歌詞，只斷章取義把「她」當係天父，諗翻起呢d簡直係棟篤笑教材。

後來香港樂壇俾四條天王壟斷，王傑被打殘返台灣，再回流已經係接近2000年既事，仲要加盟英皇，走去扮當年得令既謝檸檬，好地地浪子形象蕩然無存，灰Q爆。

上youtube亂type王傑抓歌（差d type左黃德斌，兩條友個feel幾相似），可以聽翻好多佢既經典，少年回憶返哂妮。〈誰明浪子心〉、〈今生無悔〉、〈幾分傷心幾分癡〉、〈還有〉、〈我會知道幾時要退〉………不過而家每想起王傑，反而即刻想到2001年既〈不浪漫罪名〉，柔拔好記得當年唔知為乜不自量力要去考政府AO/EO，考完離開試場完全感覺唔到自己在追夢，果日下著大雨，心中想住小雲，亦哼住呢首歌……上面quote左兩首相隔10年既MV，可以睇到王傑表面潮左，但係完全冇哂性格，由獨一無二變成老版謝檸檬。

除左買唱片、網上合法下載、免費或收費串流音樂site之外，youtube都係聽歌好地方，記得善用佢個playlist功能，bookmark自己喜歡既歌，一上網login左就聽得，仲可以睇片…爽！！

唱片業啊………阿門。