五區總辭~

香港時間2010年1月26日下午1時30分，五位立法會議員終於實踐遞辭職信行動。

柔拔可能比較膚淺，我覺得呢種做法好聽D叫「捨職取義」、「孤注一擲」，說穿了其實只係小朋友野蠻扭計，一廂情願的威脅。

如果遞信就可以公投管理層（我當政府係香港管理層先算），咁全港打工仔都應該積極參與向上司遞信囉呵呵！

我知立法會議員與打工仔本質唔同，後者收左皮上司有全權再另覓聘用，所以梁愛詩、譚惠珠、粱美芬及建制派提議修訂補選條例，呢步高壓棋係意料中事。

地位唔對等，好難有計傾……

好似講遠左左…其實我想分享的，是《十月圍城》與「五區總辭」。聖誕睇左該片後，已不自覺將之與「80後反高鐵事件」聯想。今次仲正，大家如有睇該片，再留意埋上圖既海報及標語設計，記唔記得《十》主要描述既五個烈士？現實生活巧合地又係五件「蛋散」，只要略加創作力，即可成功match up：

劉郁白（黎明） = 梁國雄

方紅（李宇春） = 陳淑莊

阿四（謝霆鋒） = 黃毓民

沈重陽（甄子丹） = 梁家傑

王復明（巴特爾） = 陳偉業

真係好狠正呵！