柔術‧導火綫


自去年夏，柔拔逢周六都要助教柔道課，可惜年多下來，出席既多數都係B仔蝦女，有次我仲不幸地打斷左個學童既膊頭。本來柔拔計劃這段期間參加一些比賽，但都因為根本冇人適合陪我地獄式鍛練而告吹。

柔拔不忍磋跎歲月，因此近月來除左完成自己果堂，還出席埋師父授課既堂，希望令自己更上一層。呢班就堅好多，個個都十八廿二最有精力果批！柔拔發現多左d白帶新仔，d樣都幾臭寸，柔拔又終於看了《導火綫》blu-ray影碟，原來裡面有勁多柔術功夫，我懷疑d新仔唔知係咪受左甄子丹影響，走妮即興。

有教無類，希望新仔持之以恆，有天成為我的training partner。


PS：柔拔沒有入戲院睇菲林版《導火綫》，好難評論《導》blu-ray碟質素。但就曾先後於製碟公司、影音店既126吋幕、以及公司samsung 40吋仔LCD TV睇過隻碟，真係聲畫都勁靚！只嫌畫面靚到有些造作，距離感有待進步。

佢係世界首隻本地製作既blu-ray影碟、世界首隻同時收錄LPCM7.1及DTS-HDMA音效、仲係H.264畫面。應該大熱成為年度必買blu-ray碟了。BO Owen & Michael*，奸爸嗲！


*Owen & Michael係 "Best & Original"（BO）負責人, BO就係《導火綫》blu-ray影碟製作公司，亦係目前全亞洲唯一blu-ray & HD DVD製作公司。