接觸 北海道~

終於完成了北海道8天自由之旅！這是柔拔在兩個月前安排的悠長假期，決定與小雲一起私奔北海道，提早過白色聖誕，仲起左個名叫「touching hokkaido」，hohoho~~

開心時間過得特別快，8天行程話咁快就完左！仲記得起飛前9小時仍在公司埋緊稿，然後慣性唔駛目訓直落執行李等天光出發。或者香港打工生活太急促疲累，又可能北海道真係靚得滯，柔拔坐緊機場巴士果陣已經精神抖擻，抵達新千歲空港後簡直刀槍不入一僧侶！

8天北海道旅程果種快感、所見所聞、加埋D靚到冇有既照片點滴，真係可以編成巨著。網誌呢D咁既細奀篇幅，我都唔知要寫幾多天回憶錄才完事，仲有係相片揀極都揀唔完，與柔拔共事既朋友都知道，我既篩選能力好很「強」，每次交稿老奉爆字爆圖…

把心一橫，以下係咁易揀左每天一幀圖片，列埋當日行程，俾自己紀念又好，給朋友仔分享也好，讓準備飛北海道既友人做參考都好…其實如何上載圖片都不是辦法，北海道真係好靚好靚，幾乎天天下雪，成個仙境咁，要親身落場先真切體驗到架~~


PS：上圖乃柔拔夜遊北海道札幌大街既snap。想知小弟私奔hokkaido有幾風流快活？自己推光張相睇下囉hohoho~

DAY 1：抵達札幌 > 味之時計台吃上百元一碗的拉麵 > 夜遊大通公園白色燈彩節（white illumination）。

DAY2 ：「紅燈區」吃brunch > 狸小路 > 北海道廳舊本廳舍 > 札幌市時計台 > 札幌電視塔 > 二条市場 > 幫迷生*買藥 > JR TOWER SQUARE T38睇札幌市夜景。

DAY3 ：函館朝市 > 函館市電 > 明治館 > 金森赤倉庫 > 西波止場 > 元町公園 > 函館山睇函館夜景+candle dinner > 五稜郭塔。

DAY4：小樽Otaru Outlet > 漫遊小樽堺町通 > 小樽運河 > 小樽運河食堂Dinner。

DAY5：定山溪溫泉（浸腳Only^^）> Rera Chitose Outlet >狸小路吃勁辣咖喱飯。

DAY6 ：Kokusai札幌國際滑雪場ski > Dine out 魚生飯。

DAY7：旭山動物園睇Polar Bear游水、KingKong扮泰山、Penguin出巡 > JR Tower Square購物 > 「炭炭」食無煙炭爐燒烤Dinner。

DAY8：買手信 > 朝拜Wii Fit > 新千歲空港 >返回現實世界（東方壓力之珠）。

----------

*柔拔在ezone的四大戀人之一，在吾心目中地位超然。