鈴木桂治 すずき けいじ

1980年6月3日生 講道館黑帶5段，+100kg級，日本最閃亮的柔道界明星之一。

敗‧辱……


今天（1月20日），我很痛……> <~

我終於復出，參加了2007年度香港級組柔道錦標賽。柔拔部署左成年，為避-73kg的高手而提升自己重量參加-81kg，呢年裡又周圍睇比賽搜集-81kg參賽者最新行情，為了打比賽拱手讓左自己想去好耐既CES俾新人王艾域，更因為比賽壓力向無辜小雲發了脾四…

雖然我打入了4強，可惜賽制關係（復活賽制），最終小的連殿軍都俾人搶番。當我知道有復活制，都知「奶」硬野！因為「唔夠氣面青青」是我從小到大的弱點。最恥辱既係，我係俾個黃帶仔搶番個殿軍！！！諗住對黃帶，殿軍本是囊中物，可惜因為唔夠氣，間接力都冇埋，當然談不上出招了。我聽到有人在場外「寸」我，其實係自己抵死，我綁的是綠帶，同黃帶有兩級距離，竟然可以輸…唯一阿Q的是，他未能在法定比賽時間KO我，但再打下去，我都會輸，因為真係冇氣了…

敗了，在回家路上，不斷flash back比賽中場外某人的諷刺(條友係相識的，不過我暫時唔夠佢打架，人地『叻仔』入過港隊受訓，而家仲全職教柔道，搶番我殿軍既黃帶仔之唔係佢徒弟，挑！），返到屋企，望住全身10多處因為比賽所贈的血絲腫瘤傷痕，母親一句「咁樣走去俾人打一身，都唔知你為乜」，柔拔躲入廁所幾乎留下男兒淚。

我一定會再出席下屆的比賽，而今年其中一個新年目標，就是要調理好身子，做番個健康男先。

氣與力，是任何運動的根源。雖然係以柔制剛…但其實柔道部既人，真係個個都八舊腹肌筋肉男來架，嗚嗚~~


PS: 運動員參加比賽既心理壓力真係好大，果種緊張若非第一身經歷，好難用文字或言語形容。柔拔的情緒在這兩周非常煩躁，試過無固胃抽筋，在工作上忽然出現好多鮮見錯誤，仲咁好彩遇上要寫封面故事，公司又多其他活動人手短缺自己又幫唔到手 ，但由於不想增加壓力而不能抓親蜜戰傾訴分憂，戰友們，抱歉了…

這段時間，幸好有小雲這個賢內助，一句「當比賽係練習咁打咪得囉」+ 08年果份會唱歌的新年禮物，她似乎真的懂得幫我舒緩壓力，小雲，對不起，多謝妳。