長江七仔~

2月1日，柔拔出席了ERA FILMS(HK) LIMITED在festival walk AMC舉辦的《長江七仔》傳媒特別放映場。由於只有一幀戲票，而我本身都諗住同小雲稍後自費捧星爺場，再加上工務繁忙年尾趕儲稿，因此遲左成粒鐘先入場。

片長本身僅88分鐘，我大概在60分鐘時才開始觀賞，但見全場笑聲此起彼落，看來星爺又成功了。我只係睇左約四分之一，個感覺係

1. 硬銷溫馨，喪煽父子情；

2. 七仔似我小學時睇果套《Gremlins》既主角小魔怪（有網友話七仔似四眼雞丁）；

3. 最後一幕仲有D似《Mummy》臨尾一場墓穴甲蟲洶群而出噬Benny；

4. 有D位雖然刻意左少少但也算頂癮，但始終一有surreal野就失去左一份實在感；

5. 我入場前一直在想，上套《功夫》打到佢老母都唔能認得，今次仲可以有咩野突破。結果不出所料，《長江七仔》都有D位無辦法唔加入暴力去提升官能快感。今次仲要開正小弟果飯玩柔道hoho~

不過比較之下，習武既柔拔都係鍾情《功夫》既新鮮感多D。

PS: 唔知是否我入場太遲，抑或星爺一開始就打算target D小朋友觀眾， 總覺得此片片長不足。也可能我真的期望過高，於是在88分鐘片終時有種「下！咁就完架拿！」既「未到高潮感」…