Time Management~~

小時候可能有母親及學校的家長式規管，柔拔並不察覺自己患上時間管理障礙（time management disability）。上了大學，有次課堂接觸到time management與self discipline，我當時好像開竅，透徹領悟這兩個就是成功與否的致命元素。

雖然明白光陰好比財富，可惜10年下來，我依然無法駕馭自己的時間，沒有事情做得好，一無是處。

上網抓time management tips，其實講既野萬變不離其宗，兼且柔拔is able to understand and digest，只係次次都三分鐘熱度，無法切實執行。

好像上周六返工，原本預備左幾件事要完成，包括完成一篇稿件、協助舉行讀者會、午餐、準時出席柔道課。點知又係時間安排的陰差陽錯下，最終幾乎一事無成：篇稿無態、食晏急速、柔道課例牌遲到。

我覺得最有成功感，就係做左讀者會既reception。印象中呢個應該係新嘗試，其實係真開心，新衝擊，因為可以試到新task，仲可以直接同讀者對話，這才是我最想要的。別人眼中可能是最無用的人才被指派這個位置，我卻仍記得以前有本心理書教「笨工夫不妨多做」。

一直希望以「純粹協力」的角色出席讀者會。因為能與讀者face to face接觸，係我重大心願，這是從入行已開始培養既態度。我去讀者會唔係為表示勤力、唔係為工作而工作、唔係為返左一天工取補假。實在希望抽身，純粹為見讀者，親身了解他們心中所想。於是咁耐以來我一直興奮並渴望盡量attend reader seminor，是由衷心願，純粹尋找個人滿足，並非扮敬業樂業。

由於抽身，今個讀者會變得放鬆，也就專心許多；加上主講嘉賓確係有料也識present，因此柔拔真係學到野。

源於我不希望牽涉「工作」，想「純粹出席」（真係為興趣），卻沒有也難以向同事表白抽身願望，因此當同事相求在現場拍攝及讀者訪問時就有些尷尬。回想起來，可能只係個人太敏感「抽身」原則，忽略左自己都係organizer。不過點都好，其實分工既野都係一種學問，好多野都係講清講楚好D…不在其位，不謀其政嘛…時間無多，做事都係做有意義既事好！（呵呵，人大左，開始勢利了…）