《奇幻逆緣》~

2月1日柔拔拖小雲睇左《The Curious Case of Benjamin Button》（奇幻逆緣）。月前有睇雜誌關於呢套片既內容，但唔係咁吸引，只係估唔到後來用積分優惠換左一堆免費票，小雲推介3粒幾鐘既此片，話唔睇都可以入戲院免費避下世，於是益畢彼特，睇埋佢。

事前仲以為似劉華《童夢奇緣》，點知老外真係太讚，畢佬套戲有驚喜好多，柔拔睇電影太少（發白日夢最多），佢條橋對我而言真係好狠新。戲情原來又咁sad，有戲迷完場後直頭叫左「Benjamin真係好慘啊~」，另又有大讚畢佬可以扮到咁青春（1963年12月18日生，45歲）…… (1963-12-18) anyway好彩沒有揀這套片陪父母入場「賀歲」。

全場最PK係果條俾雷電擊中左7次既阿伯，佢為左要幫導演套長片間場，咁上下就走出來向耆英版畢佬黑白片方式憶述佢點抵死俾雷電擊，耆英畢佬個聆聽樣又夠諧趣，真係笑哂嘴。頂，唔好俾我見到呢條電擊友，俾雷公劈Q中左7次都唔肯駛死，俾我捉到佢，一定綁佢在樹上用電擊棒打！

論畫面我就真係要捧番劉華劉偉強既《游龍戲鳳》，佢個澳門景點都繽紛D，希望BD碟（Blu-ray Disc）做到參考級數（reference grade），為港人爭光。《奇》片長166分鐘，估佢碟價都唔平，而家BD碟仲有互動功能，唔知影碟會唔會來翻個DIY順序人生版本…XDDDD