刺青。


琴日係星期天，柔拔都要忍痛離別家人及小雲，獨個兒返公司趕死線完成兩件影音產品測試。雖然係熱愛工作，少不免仍有些身心疲累，凌晨3點幾才回到家裡吃晚飯，打開公仔箱幾條電影頻道，其中有條做緊《刺青》，是柔拔曾經考慮想入戲院捧場的電影，於是揀左套片用來伴餐…看罷感想：好彩當年冇購票入場。

2007年上映的《刺青》，由「可愛教主」楊丞琳和李太梁洛施主演。套片除左可愛教主跳艷舞一幕有些養眼外，其他情節真係悶抽筋，或者唔合我胃口吧。

故事元素從頭到尾相信只係面向廿歲或以下心態人士，包括：透過webcam上網昅有味女、像不善辭令有語言障礙電車男般既警察角色、同性戀、刺青（即紋身）在身上及兩臂然後走去打架最後自討苦吃、年輕心態最好奇的很黃很暴力，套片交足料，兼且刻意煽情，有老人心態既柔拔因此覺得好無聊好很悶。

webcam及電車男警察屬於時代象徵，惟同性戀、刺青、以及刺青引伸出來的暴力，真係好很悶，佢地之所以能同webcam及電車男炒埋一碟，只不過係由於社會封閉價值觀，變成長年禁忌，食正年輕人愛破禁忌愛反叛愛刺激既心態，表面係長青，說穿了就是老生常談。