Monday, June 29, 2009




編劇描寫梁洛施有晚搞同性戀離家出走,結果地震,幾乎全家歸天,只剩下佢同埋佢弟弟,弟弟因此失憶,只記得老豆生前手上既刺青,梁洛施為彌補自己對弟弟既悔疚及令弟弟記住自己,遂走去刺青,更成為刺青專家。

橋段真係令柔拔O哂嘴,我估計編劇是個保守傳統的人,竟然要塑造一些好似好偉大有苦衷的原因去刺青(梁洛施),楊丞琳就為了愛人梁洛施而要求愛情刺青,總之就要安排一些好像可歌可泣的理由,而要去「犯戒」刺青,從而把「刺青」變成好嚴重的事,令反叛心態既青春觀眾更想刺青更有共鳴。仲有梁丟下弟弟,令弟弟睇住家人死於地震,自己無助坐在瓦礫旁,似係想煽動年輕人:「d大人都唔理我地既!」,屌!橋唔怕舊,最緊要受。


講來講去,關鍵在於刺青不能翻轉頭(冇take two),同埋同性戀冇reproduction(令人類冇take two),於是封閉社會思想越是抗拒,越能挑逗adolescent反叛心態。假如有天刺青可以recover翻皮膚,同埋同性也可有後代,我深信《刺青》要改劇本。


最老土既係,尾牙有一幕,楊丞琳得到梁洛施贈刺青圖畫,卻發現曾在網上向自己示愛的人原來並非梁,令楊崩潰躺在可能係佢阿媽既老人家懷裡大哭,個feel十足係年輕人憤世疾俗後,最終還是父母懷裡最安全;果位老人既古式打扮,加埋埋怨電腦令楊丞琳受傷害,仲有摺埋手提電腦芒既動作,反映老人家對IT既無知,問題是,點解要咁做呢?咪又係守舊思想囉,而家既耆英不知幾叻科技啦!

No comments: