第41屆香港柔道邀請錦標大賽~

第41屆香港柔道邀請錦標大賽今天在南華體育會舉行。廿一世紀後柔拔幾乎每屆都出席支持，更曾連續數年參加比賽。現在老了，雖不言退，惟復出無期…呢個比賽有個元老組別，或許N年後就是柔拔復出之時囉~~

今屆原定於10月11日舉行，上天眷顧令柔拔從師父口中知道延了期。本拔如常只會於比賽舉行至末段才現身，亦即是打到總決賽既階段。今天抵達老銅已經4點幾，行上「少林寺」（南華）斜路果陣，聽到從後有架風聲鶴唳既白車與拔同方向極速飄移，本拔心諳「柔道場有人奶野！」

狗仔隊上身既柔拔，卻從老遠昅到白車同事唔係走入南華會方向，以為鬆一口氣啦。呵，當本拔想話在G層坐電梯上3樓道場果陣，電梯卻去了basement ，一開門…來賓是幾件白車同事，其中一件曰「3樓…是打柔道甩了骱吧？」柔拔好想回應…「出來行，預左要還」。

柔拔夾時間簡直天衣無縫，抵達3樓，偷拍左甩骱事件（圖2），去埋個小便梳番靚仔返回賽場，剛好進行幾個級別既總決賽！可惜多名本地頂級戰將均告缺席，估計在備戰東亞運吧？