2008.05與小雲漫遊北京，於西城北京圖書大廈的自購手信。

京奧孖豬兜‧小雲贈柔拔

2008香港高級視聽展

aTV奧運柔道旁述狗UP
等左7年，北京奧運終於開鑼，柔拔仲記得當年北京申奧成功一刻，好很激動！

點知到左8月8日晚上8時，京奧開幕式begins，柔拔當時竟然身在會展既香港高級視聽展2008，與DALI area sales manager Gilles Brun半鹹不淡英語訪問中，灰到………

完成訪問8點幾，立刻飛的返公司收拾細軟，終於23點前返抵家裡，總算可與家人一起見証李寧飛天果場戲。

翌日趕稿期間，竟然收到小雲sms，提醒翡翠台下午有女子柔道比賽睇。

其實老子作為柔道界與影音傳媒界小薯，當然老早搜齊邊個台幾時有MUD睇（本港地面數碼廣播及模擬廣播頻道，以及畸寶網站 均有京奧直播），兼且家有可錄式高清機頂盒，梗係錄埋柔道比賽珍藏啦。

之但係小雲，佢其實好似連機頂盒都冇的，在僅有既模擬資訊質量，都send來愛的message提醒，感覺是冰天雪地下，窮家女用哂僅有錢幣，買左杯熱茶俾垂死街頭富家子一樣的驚天地，真係甜到…小雲實在太可愛了，thank you my sweet love。

你UP乜春呀！
順帶一提，不提尤自可，一提幾把火！由於aTV多D柔道直播，咁梗係睇佢啦。點知原來有人叻唔切，請埋D旁述根本未能夠班！

心不在焉都算啦，最爆係竟然連人地打到邊個階段都唔Q知。比如男子-66kg，準決賽打完後，兩條旁述竟然以為係決賽完成，大大聲話"又產生左一枚金牌"，成個甩難款（唔駛再旁述完全唔識既項目丫嘛，梗係想即刻收工"搵窿捐"啦~）。點知跟手螢幕直播兩位選手行緊上台準備開戰，柔拔叫埋媽子齊齊live見証兩條狗UP旁述點收科，呵呵，首先聽到兩條呃飯食君既兒戲衰左笑聲，然後點呀？俾媽子批死：「可以點呀，梗係認衰仔啦，『唔好意思，剛才只係銅牌比賽…』希望隔離台唔知情啦呵呵呵~~~」

在此之前，有另一條旁述又係流爆。總之幾條友都係咁，唔知打緊邊個階段、完全唔識睇分數牌、遑論靠佢地分析現場評判俾分是否正確、當然冷場就超喪多，因為佢地根本連招式名都未知，要佢地live旁白戰況簡直妙想天開，大部分比賽進行中旁述都係啞口無言，仲以為部新買既LCD TV喇叭壞左~~我操！

aTV真係冇料就唔好充大頭鬼，早知直播就應該搵個對柔道有認知既擔任旁白啦，拆唔掂至多抓老子頂嘛，小！ 段蝦碌PK片老子錄低左，想賴皮都難。

++++++++++++++++++
2008北京奧運柔道比賽概要
比賽日期：8月9日-15日
比賽地點：北京科技大學體育館
比賽項目：男子共7項（-60kg、-66kg、-73kg、-81kg、-90kg、-100kg、+100kg）；女子共7項（-48kg、-52kg、-57kg、-63kg、-70kg、-78kg、+78kg）
參賽人數：386人
金牌數目：14枚
+++++++++++++++++++