Monday, October 13, 2008


灰爆!尹思哲~~

理財向來是柔拔的弱項,做左咁多年人總是對「商」字提不起性趣。只是由於受到家人影響,向來都有睇財經版習慣。不過真係財經果批內容通常都睇到滿腦子問號,揭左就算,反正financial planner上半生有家人,下半生有小雲,儲大餅既事老子真係好少理。

真正叫我追財版既原因,係裡面有個叫「案內人隨筆」既專欄。唔知係咪為左與眾(其他專欄主筆)不同,思哲除左都有講財經之餘,更主打科技範疇。因此睇到任職科技傳媒既柔拔裸膽咁興奮,試過投入到在其網誌留言。少少仰慕,好想見其真身。曾向「蘋果」行家打探,卻總是抓不出此人。

「尹思哲」反映明星效應對傳媒的正面作用,柔拔被思哲吸引,閱讀本無性趣的財版。 讀者會跟作者走,柔拔會跟思哲走。這也解釋了為何守舊大公司不敢將麾下記者明星化。惟在互聯網時代,記者明星化是禁不了的大方向。有緣再論。


「思哲」唔撚係人
言歸正傳。我好歹是個media worker,好奇心是這類人的天性。死心不息抓思哲,竟然在前天俾我……發現左真相………「尹思哲」原來是「集體創作」,是一群人的共享筆名,怪不得像通曉天地事…已經是年多前被網友篤爆…拒露眉丫……灰爆!

就係咁,睇「案內人隨筆」既性趣突然跌至谷底,拿起報章有種男人最怕的提不起勁感覺,灰爆!而家已經係昅下大小標題就算,正物色其他有內容有真身既相若資訊,費事SIDE時間。

此事反映柔拔既價值觀,內容重要,創作內容果個都重要。唔知係乜水做既,幾有內涵最終都無感情可言。情況類似哨牙度(前世界足球先生Ronaldo)召妓後發現條女原來係人妖!一係誠實,一係騙一世就唔駛咁核突…灰。

3 comments:

william said...

睇孫柏文啦!同樣係財經佬,但專欄多數唔講財經野!孫氏已在畸寶現真身,唔怕佢係「人妖」。

purina said...

HAHA, 果個鬍鬚大塊頭,我都有留意佢,包括佢在海外回流、上電視、去年30歲牛一、嚇親「中大女股神」葉雅媛等。不過佢真係涉及財經內容,我睇極都唔多明;同埋佢措辭太偏激…會留意佢標題,間中昅昅,「一注獨贏買白銀」/「白銀戰隊」之類就一定唔昅XDDDDDD

gensan said...

哈哈,尹思哲的確係集體創作,但而家好似得返Mickey Fong一個寫了。Mickey係我HTW舊同事,n年前都係腦記一名...兩年前尹思哲果本《Web 2.0大引爆》,響書展搞左個座談會,Mickey就係坐響Simon隔離果位人兄。