22098~
今天是2月20日。11年前的2月20日，當時柔拔仍深愛的「古惑仔」鄭伊麵，開了其首次共8場紅館個人演唱會。仲有首主題曲叫〈22098全城效應〉。好記得當年心諗，個名弱d喎，點解「全『城』效應」呢？好易惹人想起當年hit爆中既四大天王郭富「城」喎。
雖然沒有捧場，但也深受感動。這裡也曾說過，伊麵在1999年開記招宣布拋棄邵美琪搭上梁詠琪之前，柔拔對伊麵非常有好感，他的情癡，他在電影裡塑造的義氣，直接影響了我的愛情和友情觀。
自此，往後每年2月20日，我個腦自然會彈出「22098」伊麵密碼。上圖果張宣傳照，有幾多網友仲記得呢？
22098無記錯應該係伊麵至今唯一一次紅館concert。因為翌年佢就搭上左GiGi，形象一落千丈，柔拔都好失望及心痛。2004年佢接受某本已經摺左同電影有關既雙周刊（XDDD 好易估姐）訪問，揚言佢準備好果年重出歌壇，當時柔拔雙拳緊握，無比振奮，心想「伊麵生性呀！」豈料一首〈心照〉，再plug多首而家俾馮曦妤唱緊既〈內傷〉，跟住已經影都冇，即係失敗左囉！
1999-2006年，伊麵其實一直有電影作品及肥皂劇，可惜已經不復當年勇（佢最勁果陣俾人認為可以威脅四大天王）。2006年，伊麵終於和GiGi分手，仲俾狗仔隊拍到在家穿內褲睇咸片，真係…
直至蒙嘉慧出現，碗麵好似翻生！首先是《世界自然基金會：愛海洋．愛鯨鯊》fresh演出；然後是肥皂劇《霍元甲2008》在亞視播映；然後和余文樂拍左套《第一誡》，兩條友仔竟然憑此片於第12屆南韓富川國際電影節奪取影帝榮銜；然後與林嘉欣&林珊珊&阿葛拍《好友移城》、然後是現在上畫中的《親密》、然後是今年底聖誕檔期上映既《風雲2》…
雖然周董出現之後，柔拔比較之下認為碗麵真係好唔掂，但畢竟係曾經欣賞過的，仍盼望今年42歲既麵有一天彈翻起~~
Friday, February 20, 2009
Wednesday, February 18, 2009
天作之盒：我是基督之子。
前天晚了收工，回到家已接近凌晨4時。睇完80年代既《Working Girl》（Harrison Ford及Melanie Griffith主演）後，接近天亮時轉台見到《天作之盒》（蔡少芬及謝君豪主演）。我諗熟悉電影行情既朋友會記得，呢套係2004年上映既基督教福音電影，蔡少芬演既謝醫生其實係feature緊當年因為SARS而死既基督徒謝婉雯醫生。
柔拔轉台睇此片時已經天濛光，只係由於「福音電影」牽引了慚愧的柔拔（因為我是已經N年沒有返崇拜的基督徒），加上記得係林志美唱果首〈愛是不保留〉電影主題曲超動容，因此就半睡半看（重申，柔拔已經有逾4年訓廳經驗），幸好未幾廣告時間才狠心關電視抓睡魔去了。
上Youtube抓主題曲〈愛是不保留〉，卻發現了今天（2月18日）生日既柔拔Dream Girl細V（黎瑞恩），原來於去年5月17日為四川賑災於公仔箱獻唱了〈愛是不保留〉。當時柔拔與小雲身在北京（梗係唔係振災，當時旨在京奧開幕前親往北京潮拜雀巢與水立方）。多得Youtube，總算都睇番細V，平心而論，細V除左氣質上依然與我的小雲幾分相像外，佢既唱功真係99%跌哂WATT！不過對大男人柔拔而言，細V唱的越差，我就越疼愛她囉呵呵~~
Last but not least 1：昨天2月17日係本blog兩周年囉，Time flies，我發現兩年來每天都竟然可以keep住有訪客，真係神蹟，感謝所有支持柔拔的朋友摯友，感謝上帝。柔拔是基督之子，我們都是基督兒女。盼望〈愛是不保留〉的歌詞，能夠觸動喚醒生活上less positive的朋友。
呵呵~原來2月21日才是兩周年喔~錯哂！今次終於係柔拔跑贏時間喇~
Last but not least 2：睇住《天作之盒》蔡少芬，回憶肥皂劇《珠光寶氣》，Ada既演技真係好讚！
〈愛是不保留〉
林志美版本
細V版本
英文版本
歌詞
常聽說世界愛沒長久，哪裡會有愛無盡頭？
塵俗的愛只在乎曾擁有，一刻燦爛便要走！
而我卻確信愛是恆久，碰到了你已無別求：
無從解釋、不可說明的愛，千秋過後仍長存不朽！
誰人受痛苦被懸掛在木頭？至高的愛盡見於刺穿的手；
看！血在流反映愛沒保留，持續不死的愛到萬世不休！
惟求奉上生命全歸主所有，要將一切盡獻於我主的手；
我已決定今生再沒所求，惟望得主稱讚已足夠！
lyrics (〈Unreserved Love〉)
I've always been told love won't endure.
Nowhere can one find love long and true.
The world just thinks love comes and passes through.
"Don't make promise" is the rule...
But I still believe love can last long.
Your unfailing love has made me strong.
You are the one I can depend upon.
Come what may, you'll love me all along!
Who died on the cross and took away my curse?
Great is your love, I don't think I should deserve.
Your bleeding hands proved your love unreserved.
You're my only joy and treasure on the earth...
Giving everything to you is all I pray.
Use my life to serve you truly every day.
I'll hold your hands and give you all my praise.
Let the whole world know your love and grace!
Monday, February 09, 2009
《奇幻逆緣》~
2月1日柔拔拖小雲睇左《The Curious Case of Benjamin Button》（奇幻逆緣）。月前有睇雜誌關於呢套片既內容，但唔係咁吸引，只係估唔到後來用積分優惠換左一堆免費票，小雲推介3粒幾鐘既此片，話唔睇都可以入戲院免費避下世，於是益畢彼特，睇埋佢。
事前仲以為似劉華《童夢奇緣》，點知老外真係太讚，畢佬套戲有驚喜好多，柔拔睇電影太少（發白日夢最多），佢條橋對我而言真係好狠新。戲情原來又咁sad，有戲迷完場後直頭叫左「Benjamin真係好慘啊~」，另又有大讚畢佬可以扮到咁青春（1963年12月18日生，45歲）…… anyway好彩沒有揀這套片陪父母入場「賀歲」。
全場最PK係果條俾雷電擊中左7次既阿伯，佢為左要幫導演套長片間場，咁上下就走出來向耆英版畢佬黑白片方式憶述佢點抵死俾雷電擊，耆英畢佬個聆聽樣又夠諧趣，真係笑哂嘴。頂，唔好俾我見到呢條電擊友，俾雷公劈Q中左7次都唔肯駛死，俾我捉到佢，一定綁佢在樹上用電擊棒打！
論畫面我就真係要捧番劉華劉偉強既《游龍戲鳳》，佢個澳門景點都繽紛D，希望BD碟（Blu-ray Disc）做到參考級數（reference grade），為港人爭光。《奇》片長166分鐘，估佢碟價都唔平，而家BD碟仲有互動功能，唔知影碟會唔會來翻個DIY順序人生版本…XDDDD
Sunday, February 08, 2009
Sports @ NIKEiD~~~
現在時間2月8日上午6時，渣打馬拉松部分組別友仔已經起跑，分分鍾勁果D已經衝左終點，不論如何，奸爸爹喲！
在踏入肥牛初一之前兩周，柔拔好想買對新鞋沖喜。著左咁多年鞋，Nike已經係我（及好多好多好多好多人）信心之選，畢竟鞋係撐起成個人，值得俾貴D去保護對腳，保護全身。
之但係專登去埋尖咀新港間Pro Shop，都抓唔到心儀款式，由於金融海嘯，結果都係著住舊鞋賀肥牛。
忽然記起去年底飛英國渡假果陣，拜訪了全球只得幾間既NikeiD Studio（圖2&3）。NikeiD Studio座落在當地Nike Pro Shop入面，NikeiD Studio自己都有幾層，用透明玻璃圍住，感覺是給吊在全場的中央，好狠grand啊！
從玻璃看進去見到好多五顏六色O嘴鞋款，原來都係買家自己DIY，無量產的，仲要係DIY左一次就有個iD，其他買家唔可以overlap，造鞋時間要四個禮拜，價錢就唔太記得了。柔拔差D就忍唔住要發揮美術天分，不過好似唔送貨返香港呢！網友話而家Nike香港已經有DIY風褸，DIY鞋指日可待，希望真啦~~
最近Nike專攻女人，出左多條TVCM，叫be TRANSFORMED，靠數碼科技浮誇地表達左女生如何透過新戰鞋浪擊青春。柔拔睇到渾身是勁，我覺得真係好狠型呢！one more, two more, three more~~~
