黑色星期五…？~

老老實實，老子真係唔記得，原來昨天係黑色星期五。

但我對5月13日就歷歷在目。

去年5月13日，panasonic在港舉行新產品發布會。該日本品牌自2009/10年度起，成為了香港甲組足球聯賽南華足球隊的主要贊助商（即在南華波衫印上panasonic果種呢）；加上去年呢個時候，就快爆發南非世界盃，因此果次記招就請來了四位當紮「南華球星」宣傳：（圖1，左三起）李威廉、陳肇麒、文彼得、歐陽耀沖，令本拔又有機會近距離接觸全職運動員，熱血又再沸騰起來。

最搞笑係，現場幾位女傳媒人好像在揀蟀，更大方向本拔表態最喜愛文彼得，真識貨！柔拔道：「其實佢地幾個都好有男兒魅力！」有女行家回應：「你都唔差丫！」呵呵，我OK架！

對panasonic有情意結，除了源於它是已故信興集團創辦人蒙民偉的代理品牌外，也與本拔愛鋤強扶弱的天性有關。少年時代買Walkman…呃，不，是買Cassette機，邊個唔知Cassette年代SONY獨步天下，好似全世界都把「Walkman」等同「Cassette」，其實前者是SONY的註冊名字，類似現在「隨身聽」幾乎等同「iPod」的情況。

於是老子周圍抓，要抓個有力與之抗衡的，最後便遇上了panasonic。

PS：老老實實，拍攝當天都唔知，現在仔細觀看，我覺得圖2既屏幕裡果兩條老外男真係交足戲喎！