余祖光 ~ 車毀人亡

兩歲仔（或曰歲半仔）：「我最威！」

口痕友：「你有幾威？」

兩歲仔：「我老豆老母，又要威又要戴頭盔！佢地開頭聲稱要負責任要自辯，後來又爻撚哂底聘律師驚收監！」

-------------------------

兩歲仔，我今次真係要X你老豆老母囉！正宗又要威（揚言負責任）又要戴頭盔（聘律師）！判160小時社會服務令及停牌半年，真係無天理！老子凡遇上呢D唔公平唔公義既事就想食人！

拿老老實實喇，舉個例，他朝歲半仔做左車神，與其他車神在名與利都鬥得難分難解之際，歲半仔突然拎番條片出來，曰：「我歲半仔已經馬路飄移，你地班車神當年都仲係躲在胸前飲緊人奶咋！好撚多謝我老豆老母，令我有短片為證！」

情況就好似兩個音樂好叻既人，兩個都話自己1歲就彈琴，但冇證冇據點吹都得。歲半仔就唔同，佢老母令到佢有片十卜，結果成為未來車神之神！梗係啦，人地奉公守法，歲半點會飄移？而且時間一去不復返，屈機冇仇報，你歲半仔贏撚哂啦！過去的犯法變成將來的炫耀，天理何在？

預料將來有好多嬰孩在歲半前跟風飄移拍埋片（但不放上網），一旦余歲半仔他日真係拎條片出來囂張，其他人可以反咬佢「我一歲仔已經飄移鳥！」。然後將來不時就有兒童車禍發生。這正是余祖光條pop guy種下既禍根！

咁啦法官大人，本大狀要求余氏伉儷下周一（28/11）上庭發毒誓，自貼詛咒：

「歲半仔永不能當上車神，否則四肢分解，車毀人亡！余氏伉儷則要完好無缺，留在世上終生悔疚！阿門。」